Die VKB-groep het in 1919 as ’n landboubesigheid in die Oos-Vrystaat ontstaan met sy hoofkantoor op Reitz. Dit het na die destydse Transvaal uitgebrei toe die voormalige NTK (Noord-Transvaal Koöperasie met sy hoofkantoor op Nylstroom, nou Modimolle) deel geword het van die VKB-groep. Meer onlangs is toestemming verkry vir samesmelting met GWK met sy hoofkantoor op Douglas.
Dit gaan die VKB-groep se geografiese teenwoordigheid verder uitbrei en heelwat nuwe besighede byvoeg.
