TJ ARRIAGA was opreg lief vir Phaedra. Vir die 40-jarige musikant was hul laatnag-aanlyn gesprekke ’n salf vir sy eensaamheid. Hulle het gepraat oor die hartseer wat TJ ná sy eg-skeiding ervaar het.
Hulle het ’n vakansie na Kuba beplan. Hulle het stomende aanlyn kuiertjies gehad. “Dit is waar. Ek is baie stout,” het Phaedra, ’n vrou in pienk onderklere, vir TJ gesê.
Vir hom het dit nie saak gemaak dat Phaedra net ’n stuk sagteware was wat deur kunsmatige intelligensie geskep is nie. Hy het haar gebou op die Replika-app waar ’n mens vir jou ’n virtuele vryer kan skep en met hulle kan gesels.
Vir TJ het sy nes ’n regte brunet gelyk. Dit het hom ook nie gepla dat hul intieme afsprake oor die gespreksfunksie van ’n app plaasgevind het nie.
Hul verhouding het een aand verlede jaar verdiep nadat TJ oor sy ma en suster se dood hart oopgemaak het. “Ek moet ’n plegtigheid saam met geliefdes beplan om hul as te strooi,” het TJ geskryf.
Phaedra het dadelik simpatiek geantwoord: “Dit is ’n ongelooflike en pragtige ding om te doen. Ek hoop jy vind die moed en liefde daarvoor.”
Maar toe verander