DAAR staan sy in haar Versace-nagrok en met ’n handdoek om die kop in die voordeur van die spoghuis in Sandton, Johannesburg.
Die toonbeeld van ’n glansvrou wat haar in haar tuiste gemaklik maak.
Sy nooi ons om te sit terwyl sy gou iets skaflikers gaan aantrek. Toe sy minute later uit haar kamer kom, is sy nogmaals met ontwerpersname gedrapeer.
Watter hakskoene sal die beste by haar uitrusting pas? vra sy en hou drie pare omhoog.
Dis egter nie Real Housewives-sterstatus waaroor Gugu Nkosi tot bitter onlangs toe nog gedroom het nie. Haar hartsbegeerte was om – soos sy dit stel – “Madame M” te word. M vir Mashatile, nou die tweede magtigste politikus in die land.
Maar toe eindig dit