DIE nimmereindigende probleme met OBP moet nou tot ’n punt kom, en daarom het Saai ’n reeks regstappe van stapel gestuur om die krisis enduit te pak.
Só sê Francois Rossouw, uitvoerende hoof van Saai, oor ’n reeks regstappe wat teen OBP beoog word, en wat die regsfirma Hurter Spies die organisasie oor geadviseer het en behartig. Die sake is as volg.
■ ’n Aansoek om ’n hofbevel wat OBP dwing om inligting oor alle entstofbeskikbaarheid- en vervaardiging bekend te maak.
■ ’n Klag by die mededingingskommissie oor die hoë prys vir entstof teen Afrika-perdesiekte.
■ ’n Moontlike klasaksie vir skade wat boere gely het weens die onbeskikbaarheid van entstof