AL die nodige gereedskap was daar om duisende vrektes weens Afrika-perdesiekte en bloutong te voorkom.
Die vrektes was grootliks weens entstoftekorte, en boonop is dit net deur geluk wat Suid-Afrika ’n uitbreking van slenkdalkoors vrygespring het.
Dié drie siektes het almal een ding gemeen: Die enigste maatskappy wat entstowwe daarvoor verskaf, is Onderstepoort Biologiese Produkte (OBP), ’n maatskappy in staatsbesit wat al jare lank berug is vir tekorte en vertragings in die beskikbaarheid van entstowwe by die aanvang van inentingstye.
Om só ’n probleem die hoof te bied, gee wetgewing die registrateur van die Wet op Misstowwe, Veevoere, Landboumiddels en Veemiddels (Wet 36 van 1947) wye magte om veemiddels vinniger te registreer – ’n proses wat algemeen as ’n noodregistrasie bekend staan.
Sloerende noodregistrasies is