Oor die jare het boerdery ’n fyn kuns geword om tydig en op die regte manier in te gryp en aksies uit te voer in ’n ingewikkelde en onvoorspelbare omgewing, terwyl die natuurlike balans gehandhaaf word.
Presisietegnologie by bewerkings-, plant- en toedieningstoerusting maak data beskikbaar wat alles deel van ’n groter som word waar datastrome van moniteringstoerusting, weerstasies en arbeidsregisters, asook gehalte en opbrengste in ag geneem moet word.
Die data as sodanig is net syfers, maar vir boere is dit van onskatbare waarde wanneer dit geïntegreer en gekorreleer word om ’n geheelbeeld te skep van ’n boerdery se suksesse en tekortkominge. Dit bied insig wat wyse boerderybesluite intyds en in die toekoms moontlik maak.
Mnr. Org Lindeque, ’n makadamiakweker van Mbombela, gebruik verskeie bestuurstelsels om sy vinger op die pols van elke faset van sy boerdery te hou. Hy skep Microsoft Excel-spreivelle om waar nodig verskillende bestuursvelde se data met mekaar te vergelyk en te korreleer.
“Dis maar ’n storie,” sê Lindeque. “Aan die administratiewe kant gebruik ons Pastel om ons salarisse en finansies te bestuur, Oficina om voorraad en bestellings van toerusting te bestuur, Rockwell Automation help
