KORTOM
■ Dié boerdery is heeltemal op minimumbewerking ingestel. Hulle ploeg lankal nie meer nie en doen net strookbewerking om ’n saadbedding te maak.
■ Hulle oorweeg om weer na ’n oorlêstelsel oor te skakel. Hul besluit hang af van hoe klimaatsverandering boere gaan dwing om veranderings te maak.
■ Hulle bemark nie hul mielies deur voorafkontrakte nie. Die belangrikste is om eers die oes in te samel.
INLIGTING
Plaasligging: Schweizer-Reneke
Naam: Zitland
Eienaarskap: Maatskappy (DMJ van der Merwe-boerdery) en privaat
Vertakkings: Saaiery (mielies, sojabone en katoen) en vee (Brahman-kruiskoeie en Charolais-bulle)
Grondtipe: Verskillende soorte – Avalon, Bainsvlei, Clovelly, Tukulu en Westleigh
Veldtipe: Soetveld
Gemiddelde reënval: 450 mm per jaar
Vanweë hoë insetkoste en moeilike toestande wat saaiboere teister, moet hulle alles in hul vermoë doen om groot oeste te behaal. As die reënwolke egter wegbly – of as dit oorvloedig reën en menige land versuip – kan hulle niks daaraan doen nie, maar hulle kan minstens sorg dat alles binne hul beheer klopdisselboom loop.
Mnr. Davie van der Merwe vertel hoe hy die afgelope seisoen die hoogste droëlandopbrengs met mielies in Noordwes in Graan SA se opbrengskompetisie behaal het. Die ander mielie-kategorieë of -streke in die Groei vir Goud-kompetisie is KwaZulu-Natal, Oostelike Hoëveld, Oos-Vrystaat, Sentraal, watertafel
