KORTOM
■ ’n Maatskappy in die Overberg maak biokoolstof (biochar) van indringerbome en verkorrel dit saam met die mis van vryloophoenders om ’n nuttige misstof te vervaardig.
■ Boere wat die korrels gebruik, sê dit is ’n goeie manier om organiese materiaal in arm sandgrond te kry.
■ Die korrels laat groente, boomneute en weidings beter groei en kan die grond se waterhouvermoë verbeter.
Kunsmis is peperduur en nie noodwendig altyd voldoende om plante en mikrobes te voed en waterverhoudings te reguleer nie. Daar is ook kommer oor die uitwerking wat die vrystelling van stikstofgas van stikstofkunsmis op die omgewing kan hê.
Boere gebruik toenemend gekomposteerde hoendermisprodukte, maar dis nie genoeg om koolstof in die grond te bou nie.
Deesdae gebruik drie boere by Stanford en Baardskeerdersbos in die Wes-Kaap ReStore, ’n korrelmisstof van biokoolstof () en hoendermis (sien op bl.
