BEURTKRAG het ’n vernietigende impak op besproeiingsboere. Mnr. Nicol Jansen, ondervoorsitter van Agri SA, het op 14 Januarie ’n volledige en insiggewende boodskap aan boere gestuur oor die stand van beurtkrag, en hy het daarin uitgelig watter voorstelle aan Eskom en me. Thoko Didiza, minister van landbou, grondhervorming en landelike ontwikkeling, gegee is.
Hiermee sy boodskap aan boere:
“My medeboere van die Noord-Kaap, dit is Saterdag 14 Januarie en ek wil met my boere praat, maar ek stel dit aanmekaar uit omdat woorde my ontbreek; omdat ek nie weet hoe om dit te doen nie.
“Die moontlike oplossings vir hierdie kragdilemma pas nie in die tydraamwerk waarbinne skade voorkom kan word nie, die potensiële skade is ondenkbaar.
“In die besproeiingsgebiede in die Noord-Kaap wat strek van Colesberg tot by Onseepkans onder aan die Weskus, van Hartswater af tot by Douglas se samevloeiing, is dit met fase 6-beurtkrag, tesame met die hittegolf
