NOG net ’n paar weke is oor voor die Comrades, en hierdie jaar wil ek ten minste oor die wenstreep gaan, al is ek ook laaste, dink Lana Swart terwyl sy haar tekkies se veters knoop, haar oorfone aansit en begin draf.
Met musiek in haar ore hardloop sy oor die pad sonder om te dink.
Die geluid van ’n toeter oordonder haar musiek en sy sien hoe ’n groen Jeep reguit op haar afpyl.
“Vir wat kyk jy nie waar jy ry nie!” skel sy die bestuurder toe hy stilhou en vinnig uitklim.
“Dis waarvoor daar sypaadjies is sodat julle drafmal mense daar kan hardloop.”
Lana sit die foon af en haal die oorfone uit haar ore. “Ekskuus, waarvan praat jy? As jou aandag meer op die pad was, sou dit nie gebeur het nie.”
Die vreemdeling kom staan voor haar en sy moet letterlik opkyk, so lank is hy.
“Julle kort mense moet eerder by julle huise bly. Geen mens
