Om ‘n buffel te vind wat om mediese redes gepyl moes word, het my vir ‘n geruime tyd ontwyk. Maar soos altyd het God die regte mense… en buffel… op die regte tyd gestuur. Om die Bush Babes in behoorlike voetsoldate te omskep sou natuurlik ‘n massiewe uitdaging wees, maar om hulle ‘n regte boots-on-the-ground teen-stroping veldwagter ervaring te gee, was wel doenbaar.
My idee was om ‘n stroperysimulasie op te stel en die Babes per helikopter na die toneel te laat ontplooi, met ten minste een K9 van die anti-stropingseenheid wat hulle op die vlug vergesel. Ek het geweet dat ek op Anke Kruger, die anti-stropingsbestuurder van die Hoedspruit K9-bewaringseenhede, se knoppie sou kon druk. Ons het saam aan ‘n vorige avontuur gewerk en sy was perfek vir hierdie missie.
Nadat Anke ingestem het, is die ideale wildveearts – dr. Ilana van Wyk, van Aardvark Wildlife and Veterinary Services – ook oor my pad gestuur. Ek het hard gesoek na
