Ekonome praat soms van iets wat onverwags gebeur as ’n swart swaan – ’n uiters uitsonderlike gebeurtenis wat verreikende gevolge het. Aan die begin van 2022 was die moontlikheid van ’n Russiese inval in Oekraïne nie hoog op die lys van faktore wat ekonome en finansiële instellings laat wakker lê het nie. Dit was eerder onsekerheid oor die omikron-stam van covid-19 en of die wêreldekonomie die pandemie-nagevolge kon afskud, wat as moontlike remskoene genoem is.
Net soos die groot impak van covid-19 die wêreld in 2020 onverhoeds betrap het, was die inval in Oekraïne einde Februarie 2022 ook iets wat vinnig baie intens geword het, langer aanhou en meer geld en lewens kos as wat vooraf gehoop is.
’n Mens kan net bespiegel of daar vanjaar weer ’n swart swaan sal verbykom. Dit kan rampspoedig wees, want die wêreld