DIS al dae later en steeds loop dié oom hinkepink. My bobeenspiere was nog nooit so styf nie. Twee vingers is verstuit, en my arms is vol seerplekke. Dít als van net drie minute aan die tou saam met die wêreld se bestes.
In die eindronde van die Wêreldtoutrekkampioenskapstoernooi in Holten, Nederland, moes die o.18-span van die Landbouskool Oakdale op Riversdal ’n volle 10 minute lank vasskop – als om seker te maak die kroon is weer hulle s’n – Suid-Afrika s’n. “Dis soos oorlog,” sê Wesley Barkhuizen (17), een van die agt lede van die kampioenspan wat Suid- Afrika in September in Nederland verteenwoordig het.
Volgens oorlewering het die Grieke in die antieke tye twee spanne aan weerskante van ’n afgrond op kranse laat staan. Dan moes hulle