Julle kêrels moet nou mooi luister – ek hou van braai, en ek hou van skaapvleis. Die twee saam is ’n dodelike kombinasie! Ek het een vakansie ’n week lank daarmee aangehou sonder om enigiets anders te eet, al sal ek dit liefs nie weer probeer nie. Ek braai ook self. Baie. En as ek nie by die huis braai nie, gaan braai ek by my pêlle. Hulle braai ook. Sommer baie. Tussen die klomp van ons kan ek jou waarborg dat skaapvleis altyd in aanvraag sal wees – op nasionale vlak. Julle Karooboere hoef nie bekommerd te wees nie – wat julle verskaf, sal ons eet.
Toe ek in my jonger dae aangekom het in die Wynland, waar ek nou woon, het ek ook maar rondgebraai in die sosiale sirkels. Julle was mos almal jonk. Dan braai ’n mens hier en dan braai jy daar. So met al