As gesin jag ons altyd saam. Vandat ek twee jaar oud was, het ek my ma en pa op baie jagtogte vergesel. Met my sesde verjaardag het ek saam met my pa begin voëls jag, maar niks van die skote se geraas gehou nie. Soos ek ouer geword het, het die geraas my egter later nie meer gepla nie.
Ek het laas jaar 12 jaar oud geword en my ma, Colleen, en pa, Richard, het dit goedgedink dat ek my eerste bok jag. Toe die jagseisoen dus aanbreek en hul-le vra of ek my eerste bok, ’n rooibok, wou skiet, het ek dit met albei hande aangegryp. Ek was uit my vel van opgewondenheid! Ons het besluit op ’n ram, maar nie ’n trofeedier nie.
Ons jagveld was net noord van Thabazimbi in Limpopoprovinsie op ’n baie groot wildplaas. Dit was winter en ons jag
