Graanboere in die somerreëngebied staan al hoe meer hektare af aan sojabone ten koste van ander somergewasse, ook witmielies.
Die nasionale oesskattingskomitee het einde Oktober die plantvoorneme van somergraanboere vir die nuwe seisoen bekend gemaak. Die totale oppervlakte onder somergewasse van 4,35 miljoen ha bly konstant (0,2% meer) teenoor verlede jaar se finale aanplantings. Hierby moet ’n mens die sowat 835 300 ha onder wintergewasse voeg, wat beteken graan en oliesade word op sowat 5,5 miljoen ha verbou.
Een van die faktore wat Suid-Afrika ’n voedseluitvoerder maak, is dat die kommersiële landbou op daardie 5,5 miljoen ha die jongste produksietegnieke benut, wat groot beleggings verg en goeie opbrengste lewer.
Dit is in teenstelling met baie van