Die nuwe somersaaiseisoen het baie nat weggespring voordat die “normale” midsomerdroogte in Januarie voorgekom het as gevolg van die sikloon oor Madagaskar en die Mosambiekkanaal. Dit het gepaardgegaan met ’n hittegolf en boonop te min elektrisiteit wat groot opbrengsskade aan besproeiingsgewasse veroorsaak.
Die jongste wintergraanoeste was effe kleiner as die vorige jaar. Die skatting is dat sowat 2,17 miljoen ton koring en sowat 337,650 ton moutgars gelewer sal word. Albei is ’n raps minder as die vorige jaar.
Kanolaproduksie (oliesade) bly stewig groei en ’n nuwe rekordoes van 210 530 ton is geraam. Uitvoer het begin met pryse wat nader aan die uitvoerprys verloop, wat nog ’n voordeel vir die binnelandse ekonomie is. Kanolaproduksie het met 265% gegroei oor die afgelope tien jaar.
Dit moet gesien word saam met die groei in sojaboonproduksie in die somerreëngebied, wat die afgelope tien jaar gegroei het van 900 000 ton tot ’n geraamde 2,6 miljoen ton wat nou op die lande staan.
Die groei in die gewasproduksie gee aanleiding tot aansienlike invoervervanging van plante-olie en plantproteïen (oliekoek) vir veevoer. Dit is ’n groot veer in die hoed