DAAR is speelgoed wat James Bond groen van jaloesie sal maak, spesiale wapens en modelle van booswigte se wegkruipplekke. Maar daar is niks fiktief omtrent dié versameling nie – dis die heiligdom van een van die wêreld se bekendste geheime dienste.
En net soos die meeste dinge rakende Amerika se Central Intelligence Agency (CIA) was die inhoud van die museum in sy hoofkantoor in Langley, Virginië, tot onlangs ’n digbewaarde geheim. Maar ter viering van die CIA se 75ste bestaansjaar is dié argief van
