Snyblomtuin #1
WIE WOON HIER? Lisa en Steven Barrett, hul twee kinders, die kat Pearl, en vier eende
WAAR Lonehill, Johannesburg
BESIGHEID Wildly Sown
GROOTTE VAN SNYBLOMTUIN 200 m²
GRONDTIPE ’n Mengsel van sanderige en leemgrond
My tuin is my gunstelingplek; dit voel soos ’n stukkie plaas op die dorp.
– Lisa
Wat vir Lisa Barrett as stokperdjie begin het toe die eerste Covid-maatreëls in 2020 ingestel is, het gegroei tot ’n klein onderneming wat nou ’n ekstra inkomste vir dié entrepreneur lewer. “Ek het in die grendeltyd verlief geraak op tuinmaak,” sê Lisa. “Die skole wat ek as arbeidsterapeut bedien, moes toemaak en ek het baie tyd gehad om my tuin te beplan, daaroor te droom en my daarin uit te leef.”
Sy sê sy het aanvanklik meer groente as blomme gekweek. “Net voor grendeltyd het ek die laaste bakkies groentesaailinge by die kwekery gekoop, gras uitgehaal en dit geplant. Mettertyd het ons al meer gras uitgehaal om meer blomme by te voeg, totdat ek in Maart 2021