Teen dié tyd is doeke dra iets van die verlede, en teen vier jaar is skeidingsangs ook vergete. Jou kind kan nou vriende maak met ander kinders van haar ouderdom en ál meer dinge vir haarself doen soos om self aan te trek, te bad en tandjies te borsel.
Jou kleuter sit gemiddeld sowat 1,8 kg tot 2,6 kg gewig aan en groei sowat 7 tot 9 cm per jaar. Sommige kleintjies rek tot 2 cm per maand.
Hier volg nog ’n paar mylpale wat julle kan verwag.
GROOT MOTORIESE ONTWIKKELING
3 JAAR
■ Sy kan tussen 50 en 70 cm ver spring en kan nou met gemak om skerp draaie hardloop en oor versperrings spring.
■ Sy is rats op ’n klimraam en kan van ’n glyplank van 1,5 m hoog afgly.
■ Sy kan ook bollemakiesie begin slaan en soos ’n klein soldaatjie marsjeer.
■ Sy wissel voete wanneer sy by
