Tee bring hoop vir toekoms in Oos-Kaap

Enigiemand wat al die grondpad tussen Lusikisiki en die strandfront by die dorpie Mbotyi aan die Oos-Kaapse Wildekus gery het, sou die area se groot landbou- en toerismepotensiaal raaksien. Die teebosse, wat vir net meer as 1 800 ha weerskant van die pad saam met die heuwels golf, vertel ’n storie van frustrasie én hoop.

Gewelddadige arbeidsonrus het vir etlike jare alle werksaamhede op die Magwa-teeplantasie tot stilstand gebring. ’n Teeplaas wat 1,2 miljoen kg tee geproduseer het en ’n inkomste van R65 miljoen