Mbombelamark: Wit olifant of geleentheid?

Net die tyd sal leer of die nuwe varsproduktemark van R1,2 miljard buite Mbombela tog ’n waardevolle bydrae tot die landbou in die provinsie sal lewer. Mnr. Deon van Zyl, handelshoof van Grow Fresh Produce Agents, sê Suid-Afrika het markte nodig wat goed funksioneer en doeltreffend bestuur word.

“Die huidige munisipale markte wat deur politici bestuur word, skiet ver tekort wat betref doeltreffende bestuur en noodsaaklike onderhoud. Die moderne Mbombela-mark is ’n stap in die regte rigting wat ’n nuwe era in varsproduktebemarking kan inlui. Ek glo daar is potensiaal om op lang termyn te groei.”

Hy sê vir ’n varsproduktemark om doeltreffend in ’n omgewing soos Mbombela in bedryf te wees, is dit belangrik dat die hele mandjie van vars produkte vir kopers aangebied word.

“Dié mark moet dus probeer om in al die koper se varsproduktebehoeftes te voorsien om sodoende met die Gautengse megamarkte te kan meeding.