GAUTENG se twee grootste varsproduktemarkte word al geruime tyd as teenpole van mekaar beskou.
Sedert die Johannesburgse varsproduktemark twee jaar gelede ’n strategiese bestuursverandering gemaak het, kon hy sy omset verhoog en verskeie geriewe vestig om kleinboere en kleiner agente ’n vastrapplek te gee.
Daarteenoor hang die Tshwanemark se voortbestaan steeds aan ’n draadjie weens wanbestuur en langdurige verwaarlosing, ondanks jare se skrywes, mooipraat én regstappe van die varsproduktebedryf. Gevolglik kies toenemend meer boere koers na die Johannesburgse varsproduktemark om hul produkte eerder daar te verkoop.
Dié twee munisipale varsproduktemarkte se uiteenlopende benaderings was opnuut in die kollig tydens die openbare sittings van die mededingingskommisie om te ondersoek of elemente of faktore in die varsproduktewaardeketting mededinging in die mark belemmer, beperk of verwring.
Tydens dié sitting het bestuurslede van die Tshwanemark vinger gewys na die munisipaliteit wat hul inisiatiewe kelder om die mark te probeer omskep in Suid-Afrika se grootste varsproduktemark, soos wat dit eens was.
Deesdae word