Ekspedisies van hierdie omvang is nie iets wat ligtelik opgeneem moet word nie, want gedurende die sowat 10 000 kilometer (as jy self ry) sal jy met heelwat moeilike toestande en situasies gekonfronteer word, aangesien Oos-Afrika ‘n perd van heeltemal ‘n ander kleur as die Suide is. Tydsame grensoorgange, afskuwelike padtoestande en vervalle kampeerplekke is maar ‘n paar van die dinge wat ons groep avonturiers in die aanloop tot die “grand finale” van hierdie Ultimate Tanzania Ekspedisie beproef het. Die finale bestemming beloof egter om dit alles in die verre geheue banke te laat verdwyn…
Wanneer ek ‘n toer na die Serengeti lei, probeer ek altyd om dit aan die begin nie te veel op te bou nie, aangesien dit vir ons belangrik is om die groep ingestel te hou daarop om die avontuur van die reis en die klein dingetjies langs die pad te waardeer om sodoende die hele ekspedisie-ervaring te verdiep. Terwyl ons egter die laaste been van hierdie trek, wat gewoonlik vier tot ses weke neem, nader, is die energie en opwinding tasbaar. Tydens ons laaste stop – die ongelooflike mooi Ngorongoro-krater – het die groep reeds lewenslange herinneringe en
