DAG ZERO WINK VIR NELSON MANDELA-BAAI
‘SOMS IS ONS TWEE OF DRIE DAE SONDER WATER’
WATER beteken lewe, maar vir inwoners van die Sonskynkus en aangrensende Oos-Kaapse platteland is dit ’n daaglikse stryd om genoeg van dié kosbaarste van alle hulpbronne in die hande te kry.
Van Gqeberha tot Jeffreysbaai, Humansdorp tot St. Francisbaai – oral is beurtwater ’n selfs groter krisis as beurtkrag. En kenners waarsku dat krane enige dag heeltemal kan opdroog in dié streek. Die Oos-Kaap word deur “dag zero,” wat vir die inwoners van Kaapstad onaangename herinneringe oor hul eie waterkrisis in 2018 inhou, in die gesig gestaar.
Die onderliggende rede is jarelange droogte in die Nelson Mandelabaai- en Kouga-plaaslike owerhede se opvanggebiede. Maar die vinger word veral gewys na die plaaslike owerhede weens duisende lekkasies
