VELDKENNIS VUL GAPINGS
Foto’s van swerms sprinkane wat die lug oor die Karoo donker maak en dooie sprinkane wat vetterig aan bakkievoorruite en verkoelers kleef, is die afgelope somer wyd versprei.
Die goeie reën wat die einde van die droogte in ’n groot deel van die ekstensiewe weigebiede beteken het, het sprinkane in hul miljoene laat uitbroei en groot kommer oor die herstel van veld en boerderye ná die droogte laat ontstaan.
Die regering, wat die afgelope jaar sowat R100 miljoen aan sprinkaanbestryding bestee het, het onder skoot gekom vir die ondoeltreffende manier waarop bestryding gedoen is en hoe sprinkaanbestryders sukkel om betaal te word.
Hoewel die meeste boere meen die sprinkane moet uitgeroei word, is daar ander wat glo dis deel van natuurlike siklusse en dat die veld in die volgende jaar daarby baat kan vind.
Boere wat aan ’n opname deelgeneem het (sien op bl. 50), meen daar is nie ’n verband tussen sprinkaanuitbrekings en veldbestuur nie, sê dr. Igshaan Samuels, ’n veldekoloog van die
