Kersie op die koek vir vrugteboere
Die plaaslike kersiebedryf, wat tans sowat 700 ha beslaan, kan “maklik tot 5 000 ha groei”.
Só meen mnr. Alwyn van Jaarsveld, internasionale handelsbestuurder vir kersies by die toonaangewende Amerikaanse kultivarontwikkelaar IFG (International Fruit Genetics). IFG is ’n bekende in tafeldruifkringe, en onder meer verantwoordelik vir kultivars soos Cotton Candy en Sweet Globe. Dit het egter ook die grootste kersieteelprogram ter wêreld. Hoewel sy kersiekultivars nog maar 1% van Suid-Afrikaanse aanplantings beslaan, is dit gesog in Amerika, Chili, Australië en Spanje.
Van Jaarsveld meen die hele bedryf gaan binnekort vinnig uitbrei. Hy sê veral vroegseisoenkersies – wat einde September en veral in Oktober ryp is – gaan die goue tydgleuf vir plaaslike kersieboere wees. Dan beloop die prys van R150 tot R300 per kilogram.
“Daar is baie potensiaal en geleenthede vir Suid-Afrikaanse boere, wat baie lekker is. Dit is ’n produk wat
