Pimperneute kom in rat
Dit is ’n bedryf in sy kinderskoene, op die punt om te ontplof, maar terselfdertyd is daar al jare se kennis en ervaring in pag.
Dít is waarom mnr. David Müller, voorsitter van die pimperneutkwekersvereniging en uitvoerende direkteur van die Pistachio Nut Company (albei is in 2019 gestig), glo hulle is nie om dowe neute besig om die Suid-Afrikaanse pimperneutbedryf van nuuts af staan te maak nie.
“Ons het ’n gewas wat ons reeds weet werk, maar ons het die geleentheid om met ander bedrywe te praat en by hulle te leer hoe om dinge reg te doen.”
Tans is die plaaslike pimperneutbedryf piepklein – kwalik 10 ha – maar danksy mense soos Müller en mnre. Anton Müller, Ferdi Ungerer en Henk Venter se ywer en harde werk staan die bedryf op die drumpel van gróót uitbreidings.
“Binne die volgende twee jaar word 200 ha pimperneutbome in Suid-Afrika gevestig. Teen 2031 sal ons op minstens 1 000 ha staan,” sê Müller.
Hoewel hy op die plaas Uitdraai naby Prieska grootgeword het, is Müller nie jou tipiese boerseun nie. Ná hy waarde-enbeleidstudie aan die Universiteit Stellenbosch gestudeer het, het hy ’n paar draaie in die wêreld van waagkapitaal, tegnologie
You’re reading a preview, subscribe to read more.
Start your free 30 days