Bakkiejag is ’n gewilde manier van jag in Suidelike Afrika. Ek gaan my nie uitlaat oor die etiese aspekte nie, want dit val buite die konteks van hierdie artikel. Ek dink egter almal sal saamstem dat hoe meer manne en dames met gewere op een voertuig bymekaar is, hoe groter die risiko…
In baie gevalle word daar telkemale op ’n bok aangelê, maar daar word nie noodwendig geskiet nie. In só ’n geval is dit van die uiterste belang dat die skut elke keer sy geweer veilig maak met die patroon wat uit die kamer is. ’n Dubbelkajuitbakkie wat gebruik word as jagbakkie is altyd ’n groot risiko – die jagters staan vêr agter die bestuurder en die moontlikheid dat ’n geweer reg na hom toe wys, is groot. My swaer, ’n advokaat, was so ’n paar jaar gelede in sy professionele hoedanigheid juis by so ’n saak betrokke. Die eienaar van ’n jagplaas is doodgeskiet deur ’n jagter agterop die plaas se dubbelkajuitbakkie...