Wekroep oor krag

As daar nou een mens is in wie se skoene Manie nie wil staan nie, is dit dié van André de Ruyter, uitvoerende hoof van Eskom, wat voortdurend die slae moet verduur oor beurtkrag.

Almal hou Eskom verantwoordelik vir die gemors waarin die land hom bevind, maar toe De Ruyter die anderdag uitgevaar het oor die regering se gesloer om nuwe opwekkingsvermoë toe te laat, het dit Manie twee keer laat dink.

Hy het daarop gewys dat daar sedert 2014 nog geen nuwe kragprojekte voltooi is