HIER IS 2022 SE TOPBULLE
ANGUS (ROOI): ON REQUEST JMS 20-272
EIENAAR EN TELER: MNRE. JOHAN EN JM STEYN
Die Vansia-stoetery van mnre. Johan en JM Steyn is deel van ’n omvangryke beesboerdery op die plaas Van Wyksrust by Bothaville, waar hulle ook ’n Brangus-stoetery en kommersiële Brangus-kudde bedryf. Dit is ’n soetveldomgewing en die boerdery het ook die voordeel van aangeplante smutsvingerweiding. Die boerdery verbou verder mielies wat deur JM se broer, Danes, behartig word. Die beeste wei in die winter op die oesreste. Die Elite-bul, On Request JMS 20-272, kom uit ’n topkoeifamilie – Hide a Ways Society Girl – met Lucky aan vaderskant. On Request het ’n goeie lengte, bene en toplyn.
NAVRAE: E-pos: vansia@mics.co.za; 072 408 5699.
BORAN: KOLSKOOT DE LA HOYA GB 19-19
EIENAAR EN TELER: MNR. GIDEON BOTHA
Kolskoot Borane van mnr. Gideon Botha word by Luckhoff in die Suidwes-Vrystaat aangehou. Die weiding bestaan uit natuurlike Karoo-tipe bossies en soetgras. Die Elite-bul, Kolskoot De la Hoya GB 19-19, se ma, HVT 11-27, is ’n toonbeeld van Kolskoot Borane se teeldoelwit, waaronder dat koeie vroulik en funksioneel doeltreffend moet wees, met goeie melk, kloue en moedereienskappe. Sy vaar, GB 15-38, is met ’n doel geselekteer om saam met die ma te loop omdat sy lyflengte, bespiering en fenotipe aan die stoetery se seleksiedoelwit voldoen. GB 19-19 het goeie breedte, diepte en kapasiteit. Danksy
You’re reading a preview, subscribe to read more.
Start your free 30 days