Angus (rooi): RCM 20-153 Roechama Honey Comb
Eienaar: RC Malherbe
RC Malherbe bedryf saam met sy pa, Gert, en broer, André, ’n gemengde boerdery met ’n Angus-, Brangus-, Suffolk- en SA Vleismerino-stoetery op die plaas Graslaagte by Hertzogville, Vrystaat. Die bul Honey Comb beskik oor uitstekende lengte en breedte, ’n goeie toplyn en ’n manlike kop. Hy kom uit ’n goeie stamboom. Sy maternale vader is Vansia Bertus, ’n voormalige nasionale kampioen. Sy vader, Roechama Honey Badger, het op die afgelope nasionale kampioenskap twee kampioene opgelewer.
Navrae: 084 851 8262, malherberc8@gmail.com
Angus (swart): SCJ 21-3 Joyce’s Napoleon
Eienaar: Seymour Currie
Die Joyce’s Angus-stoetery sluit rooi en swart An gusse in. Die eienaar, Seymour Currie, bly toegespits op sy teelprogram op die plaas Wolwedan by Klipheuwel in die Wes-Kaap. Daar wei die beeste op kikoejoe, Eragrostis en koring- en hawerreste.
Napoleon is ’n goed gebalanseerde bul met ’n mediumraam, baie vleis, manlikheid en sterk bene. Hy is net ouer as twee jaar en kombineer sy fenotipe met goeie teelwaardes, veral vir groei.
Die stoetery volg sedert sy ontstaan in 2010 ’n jaarlikse embrioprogram met die spoel van embrio’s en in vitro-bevrugting om genetiese groei te bevorder. Slegs die beste, bewese vroulike diere word met sy beste bulle en é van ander kuddes in Suid-Afrika, Amerika en Kanada gepaar. As deel van die teelprogram streef eymour daarna om spesiale stambome te skep, maar ook om erkende koeifamilies te laat voortbestaan. Streng seleksie is deel van die uitskotprogram om te verseker net die beste nageslag word behou. Hy glo sy beeste moet deur prestasietoetsdata ondersteun word. Ouerskap word met DNS bevestig en akkurate prestasietoetsdata word versamel.
Navrae: Worsie Swart, 072 143 6114, worsie.jdfarms@gmail.com
Braford: GM 21-10 Eben
Eienaars: Gert van der Merwe