Die sonneblom
DIE storie van die nederige sonneblom is eintlik asemrowend. Dié plant het oor wêrelde heen en weer gereis en in die proses van gedaante verwissel. Sy blom bevat wiskundige verhoudings wat jou mond sal laat oophang. Die Russies-Ortodokse Kerk het boonop ’n groot rol gespeel in die geskiedenis van dié gewas wat so ’n belangrike rol in ons alledaagse lewe vervul.
TOEKA SE DAE
Wetenskaplikes reken Noord-Amerikaanse inheemse stamme het die sonneblom 2 000 tot 3 000 jaar gelede in Mexiko “getem”. Dit beteken hulle het die wilde sonneblomplant vir menslike gebruik aangepas. Die oorspronklike plant was struikagtig en het verskeie koppe gehad. Vandag het die sonneblom een groot kop met breë geel blomblare en groot sade.
Die eerste
