Die onsigbare koste van té veel reën
Die afgelope somer se milde reën is aanvanklik oral verwelkom, maar namate dit aanhou reën het, is baie skade aan somergewasse in die Sentraal- en Oos-Vrystaat, Noordwes en Mpumalanga aangerig.
Dit was nie net die nat toestande wat die gewasse geraak nie. Die kleiner getal hitteeenhede en die aanhoudende bewolkte toestande het die plante se groei benadeel. Daarby is die graanopbrengs ook ernstig deur versuiping beperk weens die staande water in lande.
Om alles te kroon, het ál die groot opgaardamme in die Oranje- en Vaalrivierstelsel oorgeloop en vloedskade laer af by Bloemhof en langs die Benede-Oranjerivier veroorsaak.
KAART 1 bevestig die oormaat reën en dui aan dat groot dele van Suid-Afrika in Desember 2021 van 200% tot 1 000% meer reën as die gemiddelde vir daardie maand gehad het. Nog ’n beduidende deel van die land het 125-200% van die normale reënval vir Desember gehad.
Volgens dié KAART het veral die graanproduserende dele van die Wes-Vrystaat aansienlik meer reën as gewoonlik gehad.
Die gevolglike verlies aan oeste kan maklik in geldwaarde gemeet word.
You’re reading a preview, subscribe to read more.
Start your free 30 days