MAAK NUUT MET OOR-SKIET

AANDETE BOTTERBIE SOSATIES

GENOEG VIR 6 MENSE

BEREIDING: 15 MIN.

MARINEER: 30 MIN.

GAARMAAK: 10 MIN.

1 kg kruisstuksteak, in skywe van 3 cm dik gesny
1 x 450 g-fles klaarbereide botterhoendersous

SLAAI

3 groot wortels, in linte gesny met ’n groente-skiller
’n hand vol radyse, in dun skyfies gesny
’n hand vol vars koljanderblare, gekap
60 ml (¼ k) amandelvlokkies, lig gerooster
60 ml (¼ k) korente
30 ml (2 e) olyfolie
30 ml (2 e) suurlemoensap

VIR VOORSIT

poppadoms
natuurlike jogurt

Week 12 sosatiestokkies goed in water en hou dit byderhand.

1 Plaas die steak in ’n marineerbak en giet die helfte van die botterhoendersous daaroor. Laat 30 min. marineer. Skakel intussen die oondrooster aan.

2 Ryg ewe groot stukke gemarineerde steak aan die geweekte sosatiestokkies. Rooster 5-6 min. of tot deurgaar.

3 Slaai Meng intussen al die slaaibestanddele in ’n groot bak.

Bêre 4 sosaties en 500 ml (2 k) slaai vir môre se middagete.