Die bul verdwyn agter ’n taaibos. Ek kniel ongemaklik op ’n plat rots, die .375 gestut op ’n onbekende skietstok. Dan verskyn hy in ’n opening tussen die bosse. Hy is groot en swart en net onder ’n honderd tree weg. Dit is laatmiddag en daar is nie baie tyd voor die donker ons vang nie. Die dik kruishaar van die klein Leupold 1,5-5x20 kom tot rus op sy blad tussen ’n derde en die helfte van onder af. Ek hoor nie die skoot nie, maar wel die klap van die 300 grein-koeël op die dik vel. Die bul gee ’n bokspring en strompel bult-af. Hy maak dit omtrent 20 tree voor hy val. Dan bulk hy lank en hart-seer. ’n Ander bul takel hom, rol hom tussen die rotse teen die rantjie af.
Ek kniel vyf tree van die bul af en skiet hom in die rugstring tussen die blaaie, skuins vorentoe in syborsholte in. Hy roer nie; hy is reeds dood. Ek druk die
