IS DIT VERBY?
VIR hom was sy die borrelende donkerkop wat hom weer leer lag het; wat hom rotsvas deur die klappe van die lewe bygestaan het. En vir haar was hy nie die eens beroemde Liefling van Loftus nie; hy was net Dirkie. ’n Gefolterde man, ja, maar in wie sy steeds die rugbyheld kon sien op wie sy haar hart verloor het.
Almal wou glo Derick Hougaard se verhouding met die sangeres Nádine sou vir hom die reënboog aan die einde van sy stormjare wees, ’n nuwe begin ná sy mislukte huwelik met die sangeres Karlien van Jaarsveld en sy stryd teen depressie en ’n pil- en drankverslawing.
Maar toe, kort voor middernag op Vrydag 11 Februarie, verskyn
