‘Hoe het ons hier gekom?’

Ry jy op die M15 in Kraaifontein langs die Wallacedene-township verby, word dit duidelik waarom Stad Kaapstad se pogings om die behuisingstekort aan te pak nie veel vrugte afwerp nie – die magdom mense wat behuising benodig, is veel meer as waarvoor die munisipaliteit se begroting voorsiening maak.

Draai jy in Maroelastraat af, besef jy die geveg om onwettige besetters van munisipale grond af te hou en hulle elders te hervestig, skep ’n verdere probleem aangesien twee wêrelde langs dié stuk grondpad bots. Aan die een kant van die pad is die township met vullissakke wat oral ophoop en ’n dam wat eens vir