’n Kop vir somme, dekgewasse en vernuwing

Van ’n konvensionele monokultuurboerder y tot ’n herlewingslandboupraktyk wat ’n slim kombinasie van dekgewasse en beesboerdery gebruik om die volle potensiaal van die boerdery te ontgin. In ’n neutedop is dít die storie van mnr. Wernich Lemmer se boerdery op die plaas Lemmerville by Hartbeesfontein in Noordwes. Dis ’n tradisionele boerdery in die sin dat mielies en beesproduksie die hoofklem is, maar nuwe idees en toepassings vier hier hoogty.

Lemmer het drie jaar gelede herlewingslandboupraktyke ontdek. “Ek was by die Landbouweekblad-herlewingslandboukonferensie op Ottosdal (sien bl. 48) nadat ons plaaslike boerevereniging boere genooi het. Die voordele het my dadelik opgeval. Ek is gretig vir landbou-inligting en wat ek daar gehoor het, het sin gemaak.”

Lemmer het oorgeskakel van ’n oorlêstelsel na ’n wisselboustelsel. “Pleks van oorlêlande het ons gaan kyk wat ons stroopseisoen opgelewer het. Ons het bevind die potensiaal van die dele wat oorlê, was baie laer as dié wat met dekgewasse beplant is. Só het ons begin om die laer dele toe met dekgewasse te verbeter.”

Sowat twee jaar gelede is ’n land van 5 ha met dekgewasse beplant. Dit het bestaan uit voersorghum, babala, akkerbone, dolichos,