SOX FOOTWEAR
Sox se fabriek in Pretoria lewer ’n verstommende verskeidenheid sokkies vir fietsryers, hardlopers, ruiters, rugby- en sokkerspelers… ag, eintlik enigeen wat van ’n oulike paar sokkies hou.
Ons gunstelinge kom uit die Heritage Collection. Vier ons land se ryk kulturele geskiedenis met ’n stel van die Ndebele- of Xhosa-sokkies. Of kies proteas of flaminke om jou dag op te kikker. Dis ook nie ’n geval van net bolangs bont nie. Hierdie premium sokkies is gemik op atlete; dit het geen nate rondom die tone nie, en ekstra ondersteuning rondom die hak en tone.