VERSTANDIGE WATERBESTUUR STREEF NA VLOEIBARE GOUD
Soos ’n mens op die pragtige plaas Oaklands van 150 ha op die Drakensberg-platorand sowat 7 km van Van Reenen ry, word jy begroet deur ’n miernes van bedrywighede in ’n voormalige perdekamp. Bekyk jy dit van nader, sien jy ’n samestelling van onlangs aangeplante jong vye-, appelkoos- en ander vrugtebome, afgewissel met klein beddings van nuutgeplante framboos- en ander voedselplante. Saad van multispesiedekgewasse word ook geplant om bestuiwers te lok en te ondersteun, en om die diversiteit van die grondlewe te verbeter. Nog heelwat plant- en ander werk moet gedoen word.
Voedingstowwe vir die vroeë “inwoners” van hierdie permakultuur-voedselwoud wat in wording is, kom van organiese kompos wat hoofsaaklik van
