BOSPOS

WENBRIEF

DIE SIRKEL VAN DIE LEWE

Op ’n bosveldvlakte kry ons die hartbees en haar kalf – sy is oud en slegs ’n geraamte. Met haar laaste druppel energie het sy haar kalfie grootgekry. Sy is so swak dat haar lyf soos ’n grashalm in die wind wieg. Toe ons nader ry, gee sy ’n paar treë vorentoe, struikel, val op die grond neer en bly lê. Sy het bloot nie meer die krag of lus om op te staan en verder te gaan nie.

Ek skiet die genadeskoot en die trane brand onder my ooglede. Verwese bly die kalf naby haar staan en kyk na haar wat moes sterf sodat hy kan leef – die sirkel van die lewe was nog nooit so duidelik nie. Ons los haar net daar vir die aasvoëls – dit is