WENBRIEF
JAG KAN DIE GELD LAAT INROL
In 2018 is ek op my eerste jagtog saam met my seun (toe 9 jaar oud), my swaer en sy seun in die Cradock-omgewing. Vanweë my beroep is ek bitter weinig in die natuur en hoor ek nooit die “stil geraas” van die veld nie. Om die oop veld te beleef soos net ’n jagter kán, om te sien wat soveel ander nie beskore is nie, het dus die spreekwoordelike skille van my oë laat afval.
Nou word my bloed warm wanneer daar van jag gepraat word. Ek wag tans op my bevoegdheidsertifikaat, waarna ek aansoek kan doen vir my eerste jaggeweer (die enigste, volgens my vrou). Ek behoort so teen 2046 my geweer te kry...
Hierdie gesloer van die polisie met die uitreik
