Vir ’n jagter wat gewoond is aan bosveldjag, lyk vlaktejag soms na ’n reuse-uitdaging. Met die regte voorbereiding, toerusting en benadering is dit egter glad nie so moeilik as wat baie mense glo nie.
VOORBEREIDING
Ek kan nie die belangrikheid van voorbereiding, veral toepaslike oefening met jou toerusting, genoeg beklemtoon nie.
Nadat jou geweer ingestel is (200 meter is ’n goeie afstand), beweeg weg van die skiettafel en oefen vanaf die rus wat jy in die veld gaan gebruik. Oefen uit verskillende posisies met jou skietstokke en/of tweepootrus.
Hoe vinniger jy ’n akkurate skoot kan afvuur, hoe beter gaan jou kanse wees om vleis huis toe te bring. Oefen dus teen tyd. Een van die grootste redes waarom jagters sukkel, is dat hulle te lank neem om te skiet. Maak ’n gewoonte daarvan om onmiddellik te herlaai nadat jy geskiet het en dadelik weer op teiken te kom.
Toets jou jagammunisie tot op die maksimum afstand wat jy beplan om te jag.
Raak vertroud met jou skietstokke of tweepootrus en leer om hulle so vinnig en