HOEKOM DIE RONDE WANGE, TOM?
DIE skitterwit glimlag het bekend gelyk, maar daar was iets vreemds aan die gesig. Die man wat op die pawiljoen gekyk het hoe die San Francisco Giants en die Los Angeles Dodgers mekaar op die bofbalveld aanvat, het soos die superster Tom Cruise gelyk, maar … sy wange was veel ronder en nie gebeitel soos die bekende Hollywoodhartebreker se gelaatstrekke nie.
Maar dit wás Tom. En die aksiester se voller gesig veroorsaak ’n taamlike beroering onder sy aanhangers nadat die foto wyd gedeel is. Was hy onder die mes? Of het hy net soos die res van ons tydens die inperking aan te veel lekkernye weggelê?
