Op ’n veerligte wolk

MALVALEKKERS MET GEROOSTERDE KLAPPER

Toe ek klein was, het ons daardie papsagte klapper-malvalekkers wat jy in die winkel koop, “oumawange” genoem. Hierdie weergawe is so lig soos ’n veer, met ’n delikate vanieljegeur, en laat my eerder aan wolke as aan wange dink.

■ 40 ml (25 g) gelatien
■ 200 ml water
■ 2 ekstragroot eierwitte
■ 500 ml strooisuiker
■ 5 ml vanieljegeursel
■ 1 ml amandelgeursel of rooswater (opsioneel)
■ 250 ml fyn klapper, gerooster

Bespuit ’n vlak bak van ongeveer 30 cm x 20 cm met kleefwerende kossproei. Sprinkel die gelatien oor die water in ’n groot maatbeker en laat staan tot gespons. Smelt in die mikrogolf tot die mengsel helder en glad is, maar wees versigtig om nie die mengsel te laat kook nie.

Giet kookwater in ’n groot glasmengbak en laat staan vir 1 minuut. Gooi