Blood & Water
NÓG DRAMA
Die eerste seisoen van die dramareeks het kykers van hier tot in die VSA op die punt van hul stoele gehou. Die reeks, wat in Kaapstad geskiet is, gaan oor die 16-jarige Puleng Khumalo (Ama Qamata) wie se suster kort ná haar geboorte uit ’n Kaapse hospitaal ontvoer is. Op die aand wat haar vermiste suster se 17de verjaardag sou wees, beland Puleng by ’n partytjie van Fikile Bhele (Khosi Ngema), ’n sterswemmer en leerder by ’n privaat skool in die Moederstad.
