Wat bepaal die prys van petrol?
DIE eerste Woensdag van elke maand word die petrolprys deur ons land se regering gemonitor en aangepas. Die sommetjie word deur die Sentrale Energiefonds gedoen namens die Departement van Energie.
Ná die onlangsste aanpassing betaal motoriste meer as R18 vir ’n liter petrol. Dis die duurste wat petrol al ooit vir Suid-Afrikaners was.
Veranderings in hierdie prys word gewoonlik deur drie dinge geraak:
◼ Die internasionale olieprys.
◼ Die wisselkoers tussen die Suid-Afrikaanse rand en die Amerikaanse dollar – ons betaal vir olie in dollar.
◼ Die internasionale petrolprys.
