DUBBELE SUKSES
DIE rits laerskooltjokkers wat vandag by die hokkieveld vir hul oefening aanmeld, is elk gewapen met ’n stok byna net so lank soos hyself.
Wanneer die outjies se tydelike afrigters, Dayaan en Mustaphaa Cassiem, bemoedigende woorde uitroep, glimlag hulle van oor tot oor en luister sommer baie mooi.
Dis immers nogal iets om deur ’n Olimpiese held afgerig te word – wat nog te sê twéé van hulle. En dan is hulle boonop broers.
Die Cassiem-broers was deel van die Suid-Afrikaanse manshokkiespan op die pas afgelope Olimpiese Spele in Japan. Dié span het ’n opskudding veroorsaak toe hulle afgereken het met die span van Duitsland, tans sesde in die wêreld, terwyl Suid-Afrika se span maar
