KRY SÓPAPGELD
Papgeld is voorwaar die vloekwoord van ons hedendaagse samelewing – die hartseer storie van ma’s en oumas wat steeds sukkel met onwillige pa’s. ’n Eindelose kopseer. Maar, wat sê die reg en hoe kom jy uit by die lig aan die einde van ’n donker tonnel?
Families is gebroke, want individue is gebroke. Maar as jy ’n kind help, help jy iemand weer heel word. Op die ou end is familie die hoeksteen van die samelewing, sê oud-landdros en -staatsaanklaer, Laurie Greyvenstein.
“Ek glo vas indien kinders nie gou genoeg gehelp word nie, raak hulle volwassenes met issues wat ’n sneeubaleffek het,’’verduidelik dié man wat sedert 1987 as regsman met onderhoudsake werk. Dié dat Laurie en sy vrou, Anneke, in 2006 hul nie-winsgewende organisasie, Social Justice Foundation (SJF), begin het.
“Onderhoudversuim is
